Sannleikann segir Benjamin Netanyahu: „Engin hungursneyð á Gaza.“

Netanyahu, forsætisráðherra Ísraels, talaði á kristilegri ráðstefnu í Jerúsalem sem haldin var í gær af Paulu White, ráðgjafa Trumps, þann 28. apríl 2025.

Á ráðstefnunni hafnaði Netanyahu alfarið fullyrðingum um að það væri hungursneyð á Gazaströndinni og vísaði slíkum fréttum á bug sem „forkastanlegri lygi“.

Netanyahu sagði m.a.: „Það hefur aldrei verið stefna okkar að koma á hungursneyð á Gaza, enda er engin hungursneyð á Gaza. Það erum við Ísraelsmenn, sem höfum gert það kleift að mannúðaraðstoð hefur komist inn á Gaza allan stríðstímann. Við höfum haldið lífinu í Gazabúum.“

„Það er Hamas sem hefur komið í veg fyrir dreifingu hjálpargagna á Gaza,“ sagði Netanyahu og benti á að Ísrael hefði útvegað 1,9 milljónir tonna af matvælum til stríðshrjáðra svæða frá upphafi stríðsins fyrir næstum tveimur árum.

„Hamas hefur rænt og stolið þessari mannúðaraðstoð og ásakar síðan Ísrael um að útvega hana ekki,“ sagði Netanyahu.

Fordæma hungursneyðina á Gasasvæðinu

Ísraelsríki innlimar brátt Vesturbakkann formlega

Ísraelska þingið Knesset samþykkti í táknrænni atkvæðagreiðslu, viljayfirlýsingu þann 23. júlí s.l. að efla ísraelskt fullveldi yfir Júdeu, Samaríu og Jórdandalnum.

Þó atkvæðagreiðslan hafi ekkert lagalegt gildi, þá gefur hún til kynna vaxandi þunga innan stjórnar Ísraels, að taka formlega yfir stjórn á hinu biblíulega hjarta Ísraels, Júdeu og Samaríu, sem í seinni tíð hefur verið kallað Vesturbakki Jórdanárinnar.

Þessi tímasetning á yfirlýsingunni er engin tilviljun, því að Emmanuel Macron Frakklandsforseti segir að Frakkland muni formlega viðurkenna Palestínu sem sjálfstætt ríki á fundi Sameinuðu þjóðanna í september.

Flest vestræn ríki viðurkenna ekki formlega Palestínu sem sjálfstætt ríki.

Ætla að viðurkenna Palestínu sem sjálfstætt ríki

Heilbrigðisyfirvöld á Gaza eru Hamas-hryðjuvekasamtökin.

Heilbrigðisyfirvöld á Gaza eru Hamas-hryðjuvekasamtökin.

En þau eru heimildarmenn frétta RÚV um ástandið á svæðinu. Hluti fréttanna, sem eru falskar, eru svona:

Ísraelsher drap 70 manns, hið minnsta, á Gaza í dag, samkvæmt heilbrigðisyfirvöldum þar. Þar af yfir 30 sem biðu í röð eftir neyðaraðstoð. Ísraelsher hefur drepið 58.765 manns síðan í október 2023, þar af 17.000 börn.

Tala fallinna á Gaza eru langtum lægri enn hér er gefið upp. Stór hluti látinna eru Hamas-hryðjuverkamenn.

Af því að Ísraelsmenn hafa nú stjórn á úthlutun neyðaraðstoðar, en ekki Hamas, gera Hryðjuverksamtökin árásir á fólkið sem bíður eftir að þiggja aðstoð, þó það sé þeirra eigið fólk.

Í áróðursstríði sínu gegn Ísrael vilja Hamasliðar að sem flestir falli.

Hryðjuverkasamtökin Hamas, sem hófu þetta stríð, bera ábyrgð á hverju mannslífi sem týnist á svæðinu.

Hatrið á Gyðingum og Ísrael ríður ekki við einteyming á Íslandi, því Sigmundur Ernir skrifar í DV um það sem hann vill trúa, af falsfréttunum um Ísrael, eins þeim sem RÚV birtir nær daglega. Hann segir:

Ísrael hefur sagt sig úr samfélagi siðaðra þjóða. Ísraelsk stjórnvöld gera sér far um að myrða palestínsk börn. Þau elta þau uppi, hvar sem þau finnast, og drepa með ísköldu blóði. Ef skotmörkin eru ekki sjúkrahús og fæðingarstofur, þá eru það leikvellir og skólar. Og nú síðast biðraðir barna eftir mat og öðrum nauðsynjum á sundurskotinni Gazaströnd.

Ætli Sigmundi Erni sé kunnugt um að Hamasliðar eru ekki saklaus börn að leik.

Átök halda áfram þrátt fyrir vopnahlé

30 ríki sem vilja eyða Ísraelsríki sameinast

The Hague Group eða Haag-hópurinn er hópur ríkja á suðurhveli jarðar sem var stofnaður 31. janúar 2025 til að vernda og staðfesta úrskurði Alþjóðadómstólsins (ICJ) og Alþjóðaglæpadómstólsins (ICC) varðandi átök Ísraelsmanna og Palestínumanna.

Níu ríki stofnuðu Hópinn: Belís, Bólivía, Chile, Kólumbía, Hondúras, Malasía, Namibía, Senegal og Suður-Afríka. Stofnaðilarnir buðu nokkrum löndum til viðbótar að taka þátt, þar á meðal Spáni.

Varsha Gandikota-Nellutla, formaður Hópsins, lýsti ástæðunni fyrir stofnun hans: Haag-hópurinn er orðinn til af nauðsyn. Í heimi þar sem öflugar þjóðir fara sínu fram (Bandaríkin, Rússland, Kína, Ísrael og Ungverjaland) án tillits til Alþjóðasamfélagsins óáreittar, verðum við að standa saman til að verja meginreglur réttlætis, jafnréttis og mannréttinda.

Samkvæmt yfirlýstri stefnu sinni stendur Hópurinn við skuldbindingar sínar um að binda enda á hernám Ísraelsmanna í Palestínu og styðja við að Palestínska þjóðin hafi sjálfsákvörðunarrétt, þar á meðal rétt til sjálfstæðs ríkis Palestínu.

Aðildarríkin samþykktu að leggja sitt að mörkum til að koma í veg fyrir að Ísraelsmönnum berist vopn, skotfæri og annar búnaður til hernaðar, þar sem augljós hætta er á að vopnin verði notuð til að fremja, eða auðvelda, brot á alþjóðlegum mannúðarlögum eða þjóðarmorði.

Ríkin níu tilkynntu að þau myndu hindra að skip sem notuð eru til að flytja vopn eða eldsneyti til Ísraels leggist að bryggju í höfnum þeirra.

Þann 15. og 16. júlí s.l. komu saman á vegum Haag-hópsins, í Bogota í Kólumbíu, fulltrúar frá meira en 30 ríkjum á neyðarráðstefnu, til að taka þátt í fjölþjóðlegu átaki til að stöðva það, sem þau kalla þjóðarmorð Ísraels á Gaza og til að binda enda á hernám Ísraelsmanna í Palestínu.

Fyrir ráðstefnunni stóðu Kólumbía og Suður-Afríka. Meðal þátttakenda voru lönd eins og Tyrkland, Katar, Spánn, Kína og Írland. Neyðarfundurinn miðaði að því að móta raunhæfar lagalegar og diplómatískar refsiaðgerðir gegn Ísrael vegna meintra brota á alþjóðalögum í stríðinu á Gaza og á Vesturbakkanum.

Nokkuð ljóst er að spádómar Ezekíels eru að ganga í uppfyllingu:

Svo segir Drottinn Guð: Nú held ég gegn þér, Góg, stórfursti í Mesek og Túbal. Ég sný þér við, kræki krókum í kjálka þér og leiði þig burt ásamt öllum þínum her, hestum og riddurum, öllum albrynjuðum. Ég leiði þetta mikla lið burt sem búið er stórum og smáum skjöldum og með brugðin sverð. Menn frá Persíu, Kús og Pút eru með þeim, allir búnir skildi og hjálmi. Gómer og allar hersveitir hans, einnig Bet Tógarma frá hinum fjarlægustu byggðum í norðri og allar hersveitir hans.

Þér fylgja fjölmargar þjóðir. Taktu vopn þín og vígbúðu þig og allan liðsafnað þinn og verið á verði fyrir mig. Eftir nokkurn tíma færð þú fyrirmæli þín. (Ez. 38:3-8).

Svo segir Drottinn Guð: Heldur þú ekki af stað þegar lýður minn Ísrael hefur komið sér fyrir óhultur? Kemur þú ekki frá landi þínu lengst í norðri, þú og margar þjóðir með þér, allir ríðandi á hestum, mikill liðsafnaður og voldugur her? Þá munt þú halda upp eftir gegn lýð mínum, Ísrael, eins og óveðursský til að hylja landið. Á hinum síðustu dögum sendi ég þig gegn landi mínu svo að þjóðirnar þekki mig þegar ég birti heilagleika minn vegna þín, Góg, fyrir augum þeirra. (Ez. 38:14-16).

Ungverjar draga aðildina til baka