Ísraels Guð er sá sem rétt hefur fyrir sér

Í Miðausturlöndum við botn Miðjarðarhafs býr þjóð sem kennd er við Jakob son Ísaks son Abrahams. Þjóðin er aðeins um það bil 9,4 milljónir manna, en samt hefur þessi þjóð gegnt, og mun halda áfram að gegna mjög mikilvægu hlutverki í sögu heimsins.

Í Biblíunni er talað um Ísraelsmenn sem útvalin lýð Guðs. Margir velta því fyrir sér hvers vegna útvaldi Guð Ísrael til að vera sinn lýð? Hvað er svona sérstakt við Ísrael sem gerir þá öðruvísi en hverja aðra þjóð?

Útvalningin gefur til kynna að Guð hafi kannað allar þjóðir jarðar og sagt: „Þetta er sú þjóð sem ég vel“. En það var ekki þannig. Tilgangur Guðs með Ísrael var, að þeir yrðu þjóð sem myndi hlýða Honum og halda sáttmála Hans. Með því að gera það yrðu þeir fulltrúar Guðs á jörðinni. Ísrael yrði fyrirmynd að þeim lífsháttum sem Guð vildi að allar þjóðir hefðu.

Sáttmálinn sem Guð gerði við Ísrael var skilyrtur, þannig að ef og þegar þeir ákváðu að yfirgefa lögmál Guðs og ganga í óhlýðni, sem þeir gerðu oft, myndu þeir fyrirgera mörgum af þeim blessunum og forréttindum sem Guð hafði sérstaklega fyrir þá. Hins vegar þráði Guð áfram að Þjóðin helgaðist og væri aðgreind fyrir tilgangi Hans.

Niðjatal Ísraelsþjóðarinnar var einnig mjög mikilvæg í augum Guðs, því að Jesús Kristur myndi verða af ætt Abrahams, Ísaks og Jakobs. Þetta er í raun og veru kjarninn í því hvers vegna Guð valdi Ísrael til að vera sína útvöldu þjóð.

Koma Jesú uppfyllti loforð sem Guð gaf Abraham um að allir á þessari jörðu, sem lifa, og munu lifa, eða hafa nokkru sinni lifað, geta notið góðs af, ef þeir vilja við því taka. "...og af þér skulu allar ættkvíslir jarðarinnar blessun hljóta." (1. Mósebók 12:3).

Þetta fyrirheit Guðs sýnir okkur að Guð valdi ekki fyrst og fremst þjóð, hann valdi mann, og byggði upp þjóð af þessum manni. Guð gerði Ísrael að frábærri þjóð til að uppfylla loforð sem Hann gaf Abraham.

Þegar þú hugsar um Ísrael, þjóðina og landið þar sem Ísrael býr, minnstu þess þá, að þegar Guð lofar einhverju mun Hann standa við fyrirheit sitt. Ísraelsmenn voru útvalin þjóð Guðs vegna þess að þeir tákna trúfesti Guðs við Abraham, Ísak og Jakob og sýnir að Hann stendur við Orð sín. „Drottinn sagði við Abram, eftir að Lot hafði skilið við hann: Hef þú upp augu þín, og litast um frá þeim stað, sem þú ert á, til norðurs, suðurs, austurs og vesturs. Því að allt landið, sem þú sér, mun ég gefa þér og niðjum þínum ævinlega.“ (1. Mósebók 13:14-15).

Æðstiklerkur: „Palestínumenn höfðu rétt fyrir sér“

Fagna alþjóðadegi „réttinda“ til drápa barna sinna í móðurkviði.

Í mars á þessu ári varð Frakkland fyrsta ríki heimsins, til að koma á stjórnarskrárbundnum „rétti“ til drápa á ófæddum börnum sínum. Frakkar fögnuð á útifundum víðsvegar í landinu þann 28. september s.l. og hafa gert daginn að alþjóðahátíðisdegi "réttindanna".

Bandaríkjamenn töldu sig hafa slíkan „rétt“ í áratugi, eða þar til fyrir tveimur árum, að Hæstiréttur Bandaríkjanna úrskurðaði að sá „réttur“ væri ekki fyrir hendi.

Við þökkum ekki síst Donald Trump þessa niðurstöðu, þar sem hann skipaði þrjá íhaldssama dómara í Hæstarétt þegar hann sat í forsetaembætti.

Söfnuðust saman á alþjóðadegi öruggra þungunarrofa

Hezbollah og Hamas geta stöðvað stríðið í dag!

„Enginn virðis geta stöðvað Netanjahú“ segir Josep Borrell utanríkismálastjóri Evrópusambandsins.

Honum skjátlast hrapalega, því að alltaf hefur legið fyrir að ef og þegar Hezbollah og Hamas leggja niður vopn og gefast upp fyrir Ísrael, stöðvast stríðið.

Stríðið hófst þegar þessir sömu aðilar hófu það, það var ekki Ísrael eins og 124 ríki innan Sameinuðu þjóðanna reyna að láta í veðri vaka og þar með talið Ísland.

Hisbollah staðfesta dauða leiðtogans

Ísrael er aðeins að svara árásum. Hlé á því er óhugsandi.

Ísrael stundar ekki árásir á þjóðir að fyrra bragði. Árásir Ísraelsmanna á Hamas, Hisbollah og Íran eru allar gagnárásir til varnar Ísrael.

Meir hluti ríkja Sameinuðu þjóðanna fara með lygar er þau fjalla um varnarstríð Ísraelsmanna eins og Ísrael hafi átt upptökin á stríðinu.

Þess vegna kom Netanjahú þann 27. september óvænt í heimsókn á fund Allsherjarþingsins til að lesa þeim pistil, og það veitti ekki af.

Satan á í stríði við Guð um mennina á jörðinni.

Þjófurinn, Djöfullinn, er á jörðinni til að stela slátra og eyða mönnunum, en Jesús er kominn til að menn eignist líf í fullri gnægð.

Guð hefur útvalið Gyðinga og konung þeirra sérstaklega, til að fara gegn illsku heimsins og færa mönnum hjálpræði. Þess vegna reynir Satan að blekkja mannkynið til að fara gegn Gyðingum og um leið gegn eigin hjálpræði. Þetta kemur glöggt fram í hegðunarmynstri Sameinuðu þjóðanna.

Netanjahú um SÞ: Fyrirlitlegur farsi

Svona gæti Stjórnarsáttmáli komandi ríkisstjórnar Arnars Þórs Jónssonar, litið út:

Stjórnarskrá Íslands verði virt.

Aðeins Alþingi setji lög í landinu.

Unnið verði markvist að viðhaldi kristilegra gilda.

Einstaklingsfrelsi tryggt.

Varðstaða efld um tjáningarfrelsið.

Komið verði á sjálfbærni í matvælaframleiðslu, og þar með fullnýtingu sjávarfangs eins og t.d. hvalastofna.

Reist nýtt vatnsaflsraforkuver til framleiðslu ódýrs rafmagns fyrir Íslendinga.

Tryggð verði örugg landamæravarsla.

Staðinn vörður um íslenska hagsmuni á alþjóðavettvangi.

Unnið að örvun hagvaxtar í landinu.

Stöðvuð skattpíning og vaxtaokur.

Skrúfað fyrir stjórnlausa útþenslu ríkisins.

Hætt austri skattpeninga í stjórnlausan innflutning hælisleitenda.

Stöðvuð verði eyðsla fjármuna í gæluverkefni svo sem baráttu gegn upploginni vá af loftlagsbreytingum.

Hætt vopnakaupum fyrir stríðandi fylkingar úti í heimi.

Viðræður við Miðflokkinn skiluðu engu

Ég var lítið barn og lék mér við ströndina

Jesús kallaði til sín lítið barn, setti það meðal lærisveina sinna og sagði:

„Sannlega segi ég yður: Þér komist aldrei inn í himnaríki nema þér snúið við og verðið eins og börn. Hver sem auðmýkir sig, og verður eins og barn þetta, sá er mestur í himnaríki. Hver sem tekur við einu slíku barni í mínu nafni tekur við mér.“ (Mt. 18:2-4).

Auðmýkið yður því undir Guðs voldugu hönd, til þess að Hann á sínum tíma upphefji yður. (1. Pét. 5:6).

Í hverju felst auðmýkt barna?

Börnin verða nánast alltaf að hafa leyfi foreldra sinna til að gera hlutina. Þau spyrja: Má ég, get ég? Það ber okkur líka að gera frammi fyrir okkar himneska föður.

Þegar og ef Guð færir okkur barn með getnaði, hvernig svo sem sá getnaður á sér stað, vill Hann að við tökkum við barninu eins og um sjálfan Hann sé að ræða.

"Konan mun hólpin verða, sakir barnburðarins, ef hún stendur stöðug í trú, kærleika og helgun, samfara hóglæti." (1. Tím. 2:15).

Dóttur Guðs ber að segja: Ég þori, vil og get hlýtt föður mínum á himnum, sem hefur útvalið mig sem erindreka sinn til að bera og fæða það barn sem Hann hefur skapað í móðurlífi mínu.

Sorg þín ristir djúpt, kona, sem myrt hefir ófætt barn þitt!

Muntu geta fyrirgefið sjálfri þér ódæði? Nei, aldrei án hjálpar frá Guði almáttugum.

Getur barnið sem þú, mamma þess, lést drepa fyrirgefa þér?

Barnið eins og öll börn, elskar þig, mömmu sína, þrátt fyrir allt.

Ef þú biður Guð af öllu hjarta að fyrirgefa þér þessa miklu synd, þá mun Hann gera það. Og Hann mun koma því til leiðar að barnið þitt geri það líka í eilífðinni.

Aðeins þannig getur þú eignast frið í sál þína þann stutta tíma sem þú átt eftir á lifa hér á þessari jörð.

_______________________

Guð, sá sem skapað hefur himinn og jörð, hefur einnig skapað mann í móðulífi þínu, kona, sem ert barnshafandi. Láttu ekki Anda heimsins telja þér trú um að það sé þinn réttur að fyrirfara barninu. Að barnsfæðingin muni færa úr skorðum væntingar þínar og framtíðaráætlanir.

Þú hefur þegar myndað ákveðin tengsl við barnið og það skynjar það ef þú ert að hugleiða að tortíma lífi þess.

Og þetta eru þau orð sem ófætt barnið þitt vill segja við þig: „Elsku mamma mín leyfðu mér að lifa!“

Þungunarrof eftir heimsleika: „Tók mér langan tíma í að syrgja“

Ísraelsland þar sem býr Þjóð Gyðinga er hjálpræði þeim sem trúa á Ísraels Guð.

Miðvikudaginn 18. september s.l. samþykkti Allsherjarþing Sameinuðu þjóðanna með atkvæðagreiðslu ályktun gegn Ísrael, sem sýnir okkur hvílíkt gyðingahatur grasserar í heiminum.

Í ályktuninni er þess krafist að Ísrael "bindi tafarlaust enda á ólöglega veru sína" á hernumdu svæðum Palestínumanna og fari burt innan 12 mánaða.

Öll þessi svæði sem um er rætt, hefur Ísrael hernumið þegar á þá var ráðist. En þeir geta ekki skilað svæðunum vegna öryggis síns. Með því að afhenda svæðin óvinum sínum aftur, gefa þeir færi á sér til nýrra árása.

Ýmsum öðrum svæðum sem Ísrael hefur hertekið hafa þeir reyndar skilað, Sinaiskaga skiluðu þeir aftur til Egypta. En illu heilli, eins og nú hefur komið á daginn, yfirgáfu Ísraelsmenn norðurhluta Gaza-svæðisins sumarið 2005. Ariel Sharon var þá forsætisráðherra Ísraels og vildi sýna friðarviðleitni, sem nú hefur leitt til enn meiri ófriðar.

Alsherjarþing Sameinuðu þjóðanna er því með ályktun sinni í raun að skipa Ísraelsmönnum að leggja niður Ríkið Ísrael.

Niðurstaða atkvæðagreiðslunnar varð sú, að 124 ríki fylgja Antikristi og samþykktu ályktunina og kölluðu þar með yfir sig bölvun Guðs. Og því miður þar á meðal Íslenska ríkið.

Á móti voru 14 ríki: Argentína, Tékkland, Fitji, Ungverjaland, Ísrael, Malaví, Micronesia, Nauru, Palau, Papúa Nýja Guinea, Paraguay, Tonga, Túvalú og Bandaríki Norður-Ameríku.

Hjá sátu 43 ríki.

Ástæða er til að biðja þeim ríkjum sérstakrar blessunar sem greiddu atkvæði gegn þessari fjandsamlegu ályktun Allsherjarþingsins. 

Gleymum ekki að biðja stöðugt fyrir Ísrael.

„Að kalla okkur gyðingahatara er náttúrulega bara áróður“

Samherji, til hamingju!

Ég óska Samherja til hamingju með Íslensku sjávarútvegsverðlaunin, sem hann hlaut í gærkvöld.

Við verðlaunaafhendinguna fékk fiskvinnsluhús Samherja á Dalvík þá einkunn að ver eitt það fullkomnasta í heimi.

Við megum vera stolt af árangri þessa merkilega sjávarútvegsfyrirtækis okkar og fögnum því að nú fær RÚV tækifæri til yfirbótar í umfjöllun sinni um fyrirtækið á jákvæðum nótum eins og Samherji á skilið.

Samherji hlaut verðlaun fyrir framúrskarandi árangur

Ljúgvottar vara við lygi

Eitt boðorðanna tíu hljómar svona:

„Þú skalt ekki bera ljúgvitni gegn náunga þínum.“

Þess vegna stendur í íslenskum lögum: Sé ærumeiðandi aðdróttun höfð í frammi eða borin út gegn betri vitund, þá varðar það fangelsi allt að 2 árum.

Falsfréttamiðlar í Bandaríkjunum og Íslandi hafa stanslausar flutt lygar um Donald Trump í níu ár. Nú kvarta þeir undan lygafréttum um Kamala Harris.

„Æðstu prestarnir og allt ráðið leituðu vitnis gegn Jesú til að geta líflátið hann, en fundu eigi. Margir báru þó ljúgvitni gegn honum, en framburði þeirra bar ekki saman.“ (Mk. 14:55-56).

Rússar dreifa falsfréttum um Harris