Yfirlýsing Benjamin Netanyahu til leiðtoga sem ýta undir Gyðingahatur

Á miðvikudagskvöld 21. maí s.l. átti sér stað skelfilegur atburður í Washington DC. Samviskulaus hryðjuverkamaður skaut með köldu blóði ungt fallegt par, Yaron Lischinsky og Söru Milgrim. Yaron var nýbúinn að kaupa trúlofunarhring handa Söru. Hann ætlaði að gefa henni hringinn þegar þau væru í Jerúsalem í næstu viku. Þau ætluðu að hefja nýtt, hamingjusamt líf saman. Það gerist því miður ekki.

Yaron og Sarah voru ekki fórnarlömb handahófsglæps. Hryðjuverkamaðurinn sem skaut þau, af mikilli grimmd, til bana gerði það af einni ástæðu og aðeins einni, hann vildi drepa gyðinga. Og þegar hann var handtekinn og færður burt, söng hann: "Frjáls Palestína!" Þetta er nákvæmlega sami söngurinn og við heyrðum þann 7. Október 2023. Þann dag réðust þúsundir hryðjuverkamanna inn í Ísrael frá Gaza. Þeir afhöfðuðu menn. Þeir nauðguðu konum. Þeir brenndu börn lifandi. Þeir slátruðu 1.200 saklausum borgurum og tóku 251 manns í gíslingu til Gaza.

Stuttu síðar heimsótti Scholz Þýskalandskanslari Ísrael. Og eftir að hann sá hryllinginn sagði hann við mig: Þessir Hamas hryðjuverkamenn eru nákvæmlega eins og nasistar. Hann hafði rétt fyrir sér.

Og ef þeir gætu komist upp með það myndu þessir Hamas hryðjuverkamenn drepa hvern einasta gyðing á jörðinni. Fyrir þessa nýnasista er "Frjáls Palestína", bara útgáfa nútímans af „Heil Hitler“. Þeir vilja raun ekki palestínskt ríki. Þeir vilja eingöngu eyða gyðingaríkinu. Þeir vilja útrýma gyðingum, sem hafa verið í Ísraelslandi í 3.500 ár.

Ég get als ekki skilið hvernig þessi einfaldi sannleikur nær ekki til leiðtoga Frakklands, Bretlands, Kanada og annarra ríkja. Þeir leggja nú til að stofnað verði palestínskt ríki og umbuna þannig þessum morðvörgum með sérstökum hætti.

Í 18 ár hefur í raun verið til palestínskt ríki. Það heitir Gaza, sem við Ísraelsmenn studdum í upphafi. Og hvað fengum við? Frið? Nei. Við fengum grimmustu slátrun á gyðingum síðan í helförinni.

Það kemur þér ekki á óvart að Hamas hafur þakkað Macron forseta og Starmer og Carney forsætisráðherrum fyrir að krefjast þess að Ísrael hætti stríðinu á Gaza tafarlaust. Sannarlega var það rétt af Hamas þakka þeim.

Með því að setja fram kröfur sínar, með hótunum um refsiaðgerðir gegn Ísrael, ekki Hamas, sögðu þessir þrír leiðtogar í raun að þeir vildu að Hamas yrði áfram við völd. Þeir vilja að Ísrael leggi niður vopn og svo að fjöldamorðingjaher Hamas fái tækifæri til að lifa af, rísa upp á ný og endurtaka fjöldamorðin 7. Október, aftur og aftur og aftur, því það er það sem Hamas hefur heitið að gera.

Þetta hef ég segja við þá hvern og einn, Macron forseta, Carney forsætisráðherra og Starmer forsætisráðherra: Þegar fjöldamorðingjar, nauðgarar, barnamorðingjar og mannræningjar þakka þér, þá ertu röngu megin við réttlætið. Þú ert röngum megin við mannkynið og þú ert á röngum megin í sögunni.

Ef til vill halda þessir leiðtogar að þeir séu að efla frið. Það eru þeir ekki. Þeir eru að hvetja Hamas til að halda áfram að berjast að eilífu. Þeir gefa Hamas von um að stofna annað palestínskt ríki, þannig að Hamas geti aftur reynt að eyða gyðingaríkinu. Sannaðu til, það yrði aldrei til Palestínuríki sem væri laust við Hamas.

Þegar og ef stofnað yrði palestínskt ríki, við erum til vitnis, taka róttæklingarnir við stjórninni. Íran eflir þá til að þeir nái völdum. Reynið ekki að telja okkur trú um að til geti orðið friðsælt Palestínuríki. Það verður ekki. En hræsnin ríður ekki við einteyming.

Þessir og aðrir leiðtogar hafa tekið þátt í áróðri Hamas sem segir að Ísrael svelti palestínsk börn. Það er ekki aðeins er Hamas sem flytur þessar lygafréttir. Fyrir nokkrum dögum sagði háttsettur embættismaður SÞ að 14.000 palestínsk börn myndu deyja á næstu 48 klukkustundum. Það er augljóst að margar alþjóðlegar stofnanir eru samsekar í að dreifa þessari lygi. Pressan endurtekur það. Múgurinn trúir því. Ungt par er m. a. þess vegna skotið niður á hrottalegan hátt í Washington.

Svo hér eru staðreyndir: Síðan 7. október hafa Ísraelar sent 92.000 hjálparbíla inn á Gaza. Það er rétt. 92.000 hjálparbílar. Það felur í sér 1,8 milljónir tonna af aðstoð. 1,8 milljónir tonna af aðstoð, meira en nóg matvæli til að fæða alla á Gaza. Þrátt fyrir að við höfðum hleypt hjálpargögnum inn á Gaza, stelur Hamas hjálpargögnunum. Þeir hafa tekið mikið af því fyrir sig. Afganginn seldu þeir á ofurverði til palestínsku íbúanna. Og síðan notuðu þeir peningana af sölunni af því, sem þeir stálu til að ráða til sín nýja menn til frekari hryðjuverka og hafa þannig haldið út stríði sínu gegn Ísrael.

Markmið okkar frá upphafi var að koma mat til óbreyttra palestínskra borgara, ekki palestínskra hryðjuverkamanna. Þannig að við ráðfærðum okkur nú við bandamenn okkar í Bandaríkjunum: Hvað gerum við til að koma í veg fyrir að Hamas ræni aðstoðinni? Saman mótuðum við síðan kerfi til að ná þessu markmiði. Bandarísk fyrirtæki munu framvegis dreifa matnum beint til palestínskra fjölskyldna. Þeir munu gera það á öruggum svæðum sem her okkar tryggir. Og þetta mun gera okkur kleift að klára markmið okkar um að eyða Hamas á sama tíma og opna leið til að koma aðstoð til almennra borgara.

„Erum að verða vitni að hræðilegu gyðingahatri“