Ísland, Hera Björk, í síðasta sæti. - Samt sannkallaður sigurvegari.

Vegna þess, að Hera Björk Þórhallsdóttir ÁKVAÐ fyrir Íslands hönd að við skyldum vera þátttakendur í Euróvision í ár, er hún sigurvegari.

Með ákvörðun sinni kom hún því til leiðar að Íslendingar gátu greitt lagi Ísraels verðskulduð 8 stig, og verið Ísrael þannig blessun á erfiðum tíma þjóðarinnar.

Hera Björk hafði sjálf tjáð sig í viðtali við Ísraelskan miðil í apríl, að hún væri hrifin af framlagi þeirra, laginu Hurricane sem var í flutningi Eden Golan.

“Jesús sagði við þá:

Sannlega segi ég yður: Þegar allt er orðið endurfætt og Mannssonurinn situr í dýrðarhásæti sínu, munuð þér, sem fylgið mér, einnig sitja í tólf hásætum og dæma tólf ættkvíslir Ísraels.(Ekki bara 8 stig).

Og hver sem hefur yfirgefið heimili, bræður eða systur, föður eða móður, börn eða akra sakir nafns míns, mun fá margfalt aftur og öðlast eilíft líf.

En margir hinir fyrstu munu verða síðastir og hinir síðustu fyrstir.” (Matt. 19:28-30).

Ísland lenti í síðasta sæti

Athugasemdir

[Helga Dögg Sverrisdóttir (IP-tala skráð) 12.5.2024 kl. 12:22]

Sammála Hera er hetja. Lét ekki kúga sig til hlýðni eins og listamenn og aðrir aðgerðasinnar vildu. Mér þykja það aumir listamenn, sem þeir kalla sig svo, sem níða skóinn á öðrum listamanni fyrir pólitíska vitleysingja. Dómnefn Íslands er þar á meðal.

Líkt og stúlkan frá Ísrael er Hera hetja og sannkallaður sigurvegari fyrir þjóð sína. Hera kann að skilja á milli lista og stjórnmála, það er ekki öllum gefið.

Vilji listaspírurnar mótmæla eiga þeir að gera það á annan hátt en dreifa skít sínum yfir sína líka.