Er skuldin er á Kerfinu, ekki á okkur?

Það er þægilegt að skella allri skuld á Kerfið, kenna því um að hafa ekki sýnt miskunnsemi og kærleika, sem við sjálf áttum að sýna.

Við ætlumst gjarnan til að ópersónulegt ríkisvald geri kraftaverk í lífi okkar og annarra, eins og um Guð almáttugan væri að ræða. En dautt Kerfi getur ekki veitt neinum neitt í kærleika, því það vinnur ekki kærleiksverk, heldur vinnur það samkvæmt regluverki.

Árið 30 e. Kr. sagði Jesús Kristur áheyrendum sínum dæmisöguna af Miskunnsama Samverjanum. Í því framhaldi hófu eftirfylgjendur Hans, Kirkjan, markvisst hjálparstarf. Óteljandi undursamlegir hlutir fóru að gerast í lífi kristins fólks.

Kirkjan setti á stofn klaustur þar sem tekið var á móti fólki sem þarfnaðist hjálpar, þegar fjölskyldur þess voru ófærar um að veita aðstoð.

Klaustrin urðu að sjúkrahúsum, elliheimilum og félagsmálastofnunum. Kristið fólk rak klaustrin með frjálsum framlögum, í anda þess kærleika sem Kristur boðaði heiminum og gerir enn.

Fyrir um það bil eitthundrað árum fór Ríkiskerfið að taka að sér þjónustuna sem Kirkjan hafði stundað í kærleika. Það hefði aldrei átt að gerast. Af þeim sökum erum við stöndum hér í dag.

Er ekki ástæða til að við biðjum svona: „Fyrirgef oss vorar skuldir, svo sem vér og fyrirgefum vorum skuldunautum.“

Engu um að kenna nema handónýtu kerfi

Athugasemdir

[Ingólfur Sigurðsson, 8.10.2024 kl. 23:47]

Ég er þér algjörlega sammála í þessu. Kommúnistar tala um sín kerfi sem eigi að vera fullkomin. Þau eru aldrei fullkomin. 

Það sem þarf er eins og þú skrifar um, það er að náungakærleikurinn verði aftur eins mikill og hann var, eða meiri. Til þess er kristnin eitt sterkasta verkfærið.

Það hefur orðið siðrof, og hrun í andlegum og trúarlegum efnum á þessu landi okkar eins og annarsstaðar á Vesturlöndum. Rússland er eitt fárra landa sem heldur í sína kristnu trú í Rétttrúnaðarkirkjunni þeirra.

Mér finnst eins og Þórdís Kolbrún utanríkisráðherra ráðist á alla þá sem gera gagn eða gætu leiðbeint henni á réttari braut.

Já þegar fólkið er orðið fullt af óhreinum öndum þá er ekki von á góðu. Kristur rak þá út og ef hér væri fólk sem kynni það væri það mikil bót.

Takk fyrir góðan og mannbætandi pistil.