Vonandi lendum við ekki í „ÞESSU“ aftur!

Þessi setning kom ekki úr munni þjálfar Ísraelska kvennalandsliðsins.

Nei, setningin kom frá þjálfara Íslenska landsliðsins. Ekki þótti taka því að spyrja þann fyrrnefnda, hvernig honum hafi fundist atgangurinn í kringum leikinn.

Það eru Ísraelsmenn sem hafa lent í „ÞESSU“ aftur og aftur í árþúsundaraðir. Ætli að þeir séu eitthvað sáttari við hina neikvæðu athygli en Íslendingar? Nei!

Hvers eiga þeir að gjalda? Jú, þeir eru Gyðingar.

Arnar Pétursson, landsliðsþjálfari kvenna í handbolta hafði þetta að segja eftir fyrri leik liðanna: „Þetta var mjög sérstakt þegar það var verið að berja á hurðarnar. Svona verður þetta í þessu einvígi og vonandi lendum við ekki í ÞESSU aftur. Þetta fer í reynslubankann. Það er dapurt að vera ekki með fólkið okkar í stúkunni á okkar heimavelli. Það er erfitt að sætta sig við þetta.“

Vonandi lendum við ekki í þessu aftur