Bölvum Ísrael!

Segja Holland, Ísland, Írland, Spánn og Slóvenía. Því þessi lönd hafa lýst því yfir að þau muni ekki taka þátt í Eurovision söngvakeppninni ef Ísrael verður ekki útilokað frá Keppninni.

Sömuleiðis vill Framkvæmdastjórn ESB undir forystu forsetans Von der Leyen leggja bölvun á Ísrael með því að ESB lönd dragi úr viðskiptatengslum við Ísraelsmenn.

Við getum gengið út frá því með vissu, að allar aðgerðir gegn Ísrael skaða þá sjálfa, sem þeim beita.

Öllum fjandskap gegn landinu munu Ísrael mæta af hörku, líkt og við höfum séð þegar ríki ráðast á þá með hernaði.

Gleymum ekki að Ísraels Guð stendur ætíð með lýð sínum í baráttunni, eins og dæmin sanna í Biblíunni:

Guð kom til Bíleams og spurði: Hvaða menn eru þetta sem eru hjá þér? Bíleam svaraði Guði: Balak Sippórsson, konungur í Móab, sendi þá (líkt og ESB fulltrúa) til mín með þessi skilaboð: Þjóðin (Ísrael), sem fór frá Egyptalandi, þekur nú allt landið (Palestínu). Komdu nú og formæltu henni fyrir mig. Þá get ég ef til vill barist við hana og rekið hana burt.

Guð sagði þá við Bíleam: Þú skalt ekki fara með þeim. Þú skalt ekki bölva þessari þjóð því að hún er blessuð. (4. Mós. 22:9-12).

Kom þú og bölva Jakobi fyrir mig, kom og hóta Ísrael.

Get ég formælt þeim sem Drottinn formælir ekki, get ég hótað þeim sem Drottinn hótar ekki?

Frá klettagnípum sé ég hann, af hæðunum horfi ég á hann, Ísrael, þjóð sem býr ein sér og telur sig ekki með öðrum þjóðum. Hver getur talið sandkorn Jakobs, kastað tölu á tugþúsundir Ísraels?

Ég vildi deyja dauða hins réttláta, að endalok mín verði sem hans.

Balak sagði við Bíleam: Hvað hefurðu gert mér? Ég sótti þig til að bölva fjandmönnum mínum (Ísrael) en nú hefurðu margblessað þá.

Bíleam svaraði og sagði: Á ég ekki að gæta þess að segja það eitt sem Drottinn hefur lagt mér í munn? (4. Mós. 23:7-12).

Ísraelar vara ESB við