Trump boðar hreinsanir í hernum: „Burt með woke ruslið“

Pete Hegseth, varnarmálaráðherra Bandaríkjanna, kynnti nýjar stefnur og staðla fyrir herinn í samræmi við stefnu Trump forseta.

Athugasemdir Hegseth flutti hann í ræðu yfir næstum 800 hershöfðingjum, aðmírálum og háttsettum ráðgjöfum hersins, sem höfðu komið til herstöðvar í Quantico í Virginíu, hvaðanæva að úr heiminum með stuttum fyrirvara.

Boðskapur Hegseth var, að innleiddir yrði „karlmannlegir staðlar“ fyrir hermenn, að „woke ruslinu“ yrði rutt úr vegi og hershöfðingjum yrði skipað að segja af sér ef þeir væru ósammála stefnu hans. Hér og nú lyki því sem kalla mætti „pólitíska rétttrúnaðarforystu,“ sagði hann.

Í ávarpi til yfirmanna hersins í Virginíu sagði Trump að Bandaríkin „lægju undir árásum innan frá“ og gaf í skin að herinn myndi einnig gegna lykilhlutverki í baráttunni gegn innri óvinum Bandaríkjanna.

„Við erum undir stöðugum árásum innan frá, sem eru í eðli sínu ekkert öðruvísi en árásir frá erlendum óvinum. En slíkar árásir eru erfiðari á margan hátt, vegna þess að árásaraðilinn klæðist ekki einkennisbúningum. Þegar þeir eru í einkennisbúningum er þó að minnst kosti hægur vandi að ganga frá þeim,“ sagði Trump.

Trump og Hegseth leggja hernum línurnar