Leiðarljós lyginnar?

Nú virðumst við, Íslensk Þjóð vera komin á þann stað að við elskum ekki lengur Sannleikann, heldur lygina og í stað Kærleika veljum illsku.

Við höfum fylgt liði með Ný-marxistum og útrýmt hinu góða, fagra og fullkomna, boðskap Kristindómsins, úr grunnskólunum.

Við höfnum Lífinu, en veljum dauðann. Drepum ófædd börn okkar í þúsundatali og viljum jafnvel  drepa fleiri.

Allt bendir til að brátt verði samþykkt lög sem leyfa, að veiku og gömlu fólki verði styttur aldur með dánaraðstoð.

Við höfum sett lög um kynfrelsi í uppreisn við Guð Skaparann. Völdum kvenbiskup, sem fer gegn Orði Guðs og köllum það frelsi.

Hvernig veljum við Forseta?

Katrín efst í nýrri könnun

Kosningaúrslit eru yfirleitt nálægt niðurstöðum kannana. En hvaða kannana?

Þær kannanir sem gera því skóna að Þjóðin sé taglhnýtingur hins alþjóðlega auðvalds eru vægast sagt umdeildar, en þær koma frá Gallup, Maskínu og Prósent.

Skoðanakannanir Fréttatímans og Útvarps Sögu sýna allt aðrar niðurstöðu, þær sýna að Arnar Þór Jónsson verður sigurvegari kosninganna.

En mælirinn er ekki fullur fyrr en á laugardag.

Íslenska þjóðin hefur verið hálf utan við sig síðustu 10 árin. En ég trúi því að hún komist nú til sjálfs sín líkt og hún gerði í Icesave málinu.

Hnúturinn sem hefur haldið henni bundinni við tagl Trójuhestsins er að losna. Þessi vika mun skera úr, hvort hnútinn losni.

Kjósi Þjóðin Arnar Þór Jónsson sem Forseta sinn, falla af henni margir fjötrar.

Þrjár efstu hnífjafnar með rúm 20% inn í lokavikuna

Valdakerfið hefur engan rétt til að kjósa. Fólk kýs Forseta Íslands.

Ég er mikill trúmaður, trúi bókstaflega Orðum Ritningarinnar, öllu því sem hún segir um frelsara okkar Jesú Krist, það sem Hann sagði og gerði.

En ég heyri oft töluð, og sé skrifuð orð, sem birtast í fjölmiðlum, sem ég trúi alls ekki, vegna þess að þau stríða á móti allri skynsemi, jafnvel þótt sum þeirra séu tilvitnanir í svokallaða sérfræðinga.

Niðurstöðum skoðanakannana, sem Meginstraumsfjölmiðlarnir eru öðru hvoru að birta, hef ég enga trú á að séu réttar, enda hafa þessir miðlar misst trúverðugleika sinn vegna falsfrétta sem þeir flytja okkur stöðugt nú um stundir, flestum er þetta ljóst.

Þess kannanir stangast algjörlega á við “Orðið á götunni” eins og DV myndi orða það. Almenningur á Íslandi lætur ekki Valdaelítuna draga sig á asnaeyrunum með þeim niðurstöðum sem þessar svokölluðu kannanir sýna.

Arnar Þór Jónsson hefur til dæmis örugglega margfalt meira fylgi en niðurstöður kannana Meginstraumsfjölmiðlana sýna.

Þegar skoðaðar eru þær kannanir sem farið hafa fram á Útvarpi Sögu birt 8. apríl og Fréttinni sem gerð var daganna 9.- 16. maí. er Arnar Þór með langmesta fylgið, í báðum tilfellum yfir 50% fylgi.

Hann er einnig sá frambjóðandi sem ég kýs sjálfur og flestir í kring um mig.

Frambjóðendur svara: Arnar Þór Jónsson

Við kjósendur erum færir um að greina réttlæti frá ranglæti

Jón Steinar Guðlaugsson fjallar um stigagjöf í nýaflokinni Eruovision sönglagakeppni 11. maí s. l. Jón Steinar hefur sýnt fram á að ef almenningur í þátttökulöndunum, hefði ráðið úrslitum við kosningu sigurlagsins hefði annað lag borið sigur úr bítum.

Það voru hins vegar atkvæði dómnefnda aðildarlandanna sem réðu því hvaða lag vann. Þessar dómnefndir höfðu verið valdar af valdaelítum landanna.

Nú veljum við, almenningur á Íslandi, okkur nýjan forseta, án þess að valdaelítan geti beinlínis stjórnað atkvæðagreiðslunni. En hún reynir samt allt hvað af tekur að stjórn því hvernig við greiðum atkvæði.

Valdaelítan vill ekki réttlátan forseta, sem ber hag þjóðarinnar fyrir brjósti. Hún vill forseta sem tryggir áframhaldandi rangláta stjórn þeirra.

Takið eftir hvernig skoðanakannanir eru framkvæmdar, þeim er stjórnað af elítunni.

Takið eftir hvernig, og um hvaða frambjóðendur, er helst fjallað af meginstraumsfjölmiðlunum, einnig því er stjórnað af elítunni.

En ég trúi því að þjóðin láti ekki valdaelítuna afvegaleiða sig til að kjósa ranglátan frambjóðanda í embætti Forseta Íslands.

“Andstyggð réttlátra er sá sem ranglæti fremur

og andstyggð ranglátra sá sem breytir ráðvandlega. (Ok. 29:27).”

 

Arnar Þór hvergi nærri hættur

Ísland, Hera Björk, í síðasta sæti. - Samt sannkallaður sigurvegari.

Vegna þess, að Hera Björk Þórhallsdóttir ÁKVAÐ fyrir Íslands hönd að við skyldum vera þátttakendur í Euróvision í ár, er hún sigurvegari.

Með ákvörðun sinni kom hún því til leiðar að Íslendingar gátu greitt lagi Ísraels verðskulduð 8 stig, og verið Ísrael þannig blessun á erfiðum tíma þjóðarinnar.

Hera Björk hafði sjálf tjáð sig í viðtali við Ísraelskan miðil í apríl, að hún væri hrifin af framlagi þeirra, laginu Hurricane sem var í flutningi Eden Golan.

“Jesús sagði við þá:

Sannlega segi ég yður: Þegar allt er orðið endurfætt og Mannssonurinn situr í dýrðarhásæti sínu, munuð þér, sem fylgið mér, einnig sitja í tólf hásætum og dæma tólf ættkvíslir Ísraels.(Ekki bara 8 stig).

Og hver sem hefur yfirgefið heimili, bræður eða systur, föður eða móður, börn eða akra sakir nafns míns, mun fá margfalt aftur og öðlast eilíft líf.

En margir hinir fyrstu munu verða síðastir og hinir síðustu fyrstir.” (Matt. 19:28-30).

Ísland lenti í síðasta sæti

Er þá ekki komið tækifæri aftur fyrir Ísland, fyrir hetjuna okkar Heru Björk að hlaupa í skarðið?

Er ekki tilvalið að fá Ísland til að leysa Holland af í kvöld?

Hera Björk Þórhallsdóttir stóð sig frábærlega í undankeppni Euróvision á þriðjudag. Þótti mér hennar flutningur þá sá langbesti og skil ekki hví hún var ekki valin til að vera með á lokakvöldinu.

Þótt framlag hennar komi ekki til góða fyrir Ísland, var það til blessunar fyrir Ísrael. Hera Björk hafði þá djörfung að lýsa skoðun sinni á framlagi Ísraels þegar hún var innt eftir henni af Ísraelska Eurovision-miðlinum Euromix 3. apríl s. l., enda þótt henni mætti vera ljóst að RÉTT-TRÚNAÐARLIÐIÐ, GÓÐA-FÓLKIÐ, hérna heima tæki hreinskilni hennar óstyngt upp, sem og kom á daginn þegar þetta GÓÐA-FÓLK hélt sérstaka andstöðutónleikar gegn Heru Björk og Ísrael.

Hún sagði nákvæmlega það sem henni finnst um lag Ísraelsmanna í viðtalinu, að hún væri hrifin af framlagi þeirra, laginu Hurricane sem er í flutningi Eden Golan.

Hera Björk notaði þá tækifærið til að þakka Ísraelskum Euróvision stuðningsmönnum sínum stuðninginn, um leið og hún óskaði þeim velfarnaðar.

Með þessu hefur Hera Björk blessað Ísrael, (þó ekki endilega allt sem þeir gera), en Guð Ísraels hefur lofað að blessa þá sem blessa Ísrael. Sú blessun kemur til baka til Heru Bjarkar.

Hollandi vísað úr Eurovision

Til hamingju Ísrael! Við stöndum með þér á laugardag. Guð þinn yfirgefur þig ekki.

Það mikil írónía fólgin í því að mótmælendur í Svíþjóð, halda því fram að Ísrael sé að fremja þjóðarmorð, þegar þeir svara árásaum.

Árás Hamas á Ísrael var enn ein tilraunin til þjóðarmorðs á Gyðingum. Eins og kunnugt er hefur verið reynt að útrýma þeim í þúsundir ára. Nú hefur nýtt vopn verið lagt í hendur Gyðingahataranna, áhangenda Antikrists, við “endanlega lausn gyðingavandmálsins,” (“Die Endlösung der Judenfrage”), það er að fá heiminn til að trú þeim öfugmælum, að Ísrael fremji þjóðarmorð.

"Og Orð Jehóva kom til Jeremía: Hefir þú ekki tekið eftir, hvað þessi lýður talar, er hann segir: Báðum ættkvíslunum, sem Jehóva útvaldi, hefir Guð Hafnað! Og að þeir segja fyrirlitlega um lýð minn (Ísrael), að hann sé ekki þjóð framar í þeirra augum?

Svo segir Jehóva: Ég, sem hefi gjört sáttmála við dag og nótt og sett himni og jörðu föst lög, skyldi ég hafna niðjum Jakobs og Davíðs, þjóns míns? Skyldi ég leiða hjá mér að velja af niðjum hans DROTTNARA yfir ætt Abrahams, Ísaks og Jakobs? Nei, ég mun snúa við högum þeirra og miskunna þeim. (Jer. 33:23-26)."

Þegar okkur verður ljóst, hvílíkt undur það er hvernig Ísraelsmenn hafa staðist allar ofsóknir í hundruð ára, getum við glaðst yfir trúfesti Guðs við Sáttmálaþjóð sína, Ísrael.

Þess vegna erum við líka viss um að Guð mun einnig vera trúfastur við okkur, sem græddir erum við Ísrael, fyrir trú okkar á Messías Ísraels, Jesú Krist.

Svíar mótmæla og áhorfendur baula á Ísrael

Næsti Forseti Íslands getur breytt bölvuninni í blessun!

Í gærkvöld átti sér stað sá hryggilegi atburður að haldnir voru andstöðutónleikar í Háskólabíói gegn Ísrael, hinni útvöldu þjóð Guðs, og um leið gegn fulltrúa Íslands í Euróvision, Heru Björk Þórhallsdóttur.

Þátttakendur samkomunnar í Háskólabíói kölluðu þar yfir sig bölvun Guðs og um leið yfir land sitt og þjóð, Ísland.

Í haturssamstöðu þessa “GÓÐA FÓLKS” gegn Gyðingum og Heru, stóð forseti Íslands Guðni Th. Jóhannesson, en það margfaldaði bölvunaráhrifin.

Hera stóð sig frábærlega.

Þótti mér hennar flutningur sá langbesti. Þótt framlag hennar kæmi ekki til góða fyrir Ísland, var það til blessunar fyrir Ísrael. Og mun Ísraels Guð launa henni eins og Hann hefur heitið.

Guðni mætti á samstöðutónleika á Eurovison-kvöldi

Líf Kirkju Krists er háð neyslu Brauðs Lífsins. Verður til fæða í Húsi Guðs?

Nú hafa prestar og sóknarnefndir kirkna kosið sr. Guðrúnu Karls Helgudóttur sem Biskup Íslands, konu sem vill fylgja Tíðarandanum og almenningsálitinu, fremur en fylgja Jesú Kristi og Heilögum Anda Guðs.

Guð krefst þess af þeim sem fylgja Kristi að þeir lifi í heilagleika og auðmýkt, það minnist sr. Guðrún Karls ekki á.

Henni hefur verið hælt fyrir duggnað sinn í ýmiskonar félagsþjónustu, en biskupsstarfið er fyrst og fremst hirðisstarf. Það á að snúast um að hald hjörðinni á lífi. Og henni verður einungis haldið á lífi með því að hún sé stöðugt fóðruð á andlegri fæðu, þeirri sem er að finna í Orð Guðs, Biblíunni. Á þetta minnist hinn nýi biskup ekki.

Án þess að heyra stöðugt Orð Guðs, deyja sauðirnir.

“Jesús segir við hann í þriðja sinn: Símon Jóhannesson, elskar þú mig? Pétur hryggðist við, að hann skyldi spyrja hann þriðja sinni: Elskar þú mig? Hann svaraði: Drottinn, þú veist allt. Þú veist, að ég elska þig. Jesús segir við hann: Fóðra þú sauði mína.” (Jóh. 21:17).

Vill hafa ungan ráðgjafa sér við hlið

Flemtur kom á Pétur sem aldrei áður hafði upplifað slíka veiði

Jesús sagði við Símon:

Legg þú út á djúpið, og leggið net yðar til fiskjar.

Símon svaraði: Meistari, vér höfum stritað í alla nótt og ekkert fengið, en fyrst þú segir það, skal ég leggja netin.

Nú gjörðu þeir svo, og fengu þeir þá mikinn fjölda fiska, en net þeirra tóku að rifna. Bentu þeir þá félögum sínum á hinum bátnum að koma og hjálpa sér. Þeir komu og hlóðu báða bátana, svo að nær voru sokknir.

Þegar Símon Pétur sá þetta, féll hann fyrir kné Jesú og sagði: Far þú frá mér, Herra, því að ég er syndugur maður.

En felmtur kom á hann og alla þá, sem með honum voru, vegna fiskaflans, er þeir höfðu fengið. Eins var um Jakob og Jóhannes Sebedeussyni, félaga Símonar.

Jesús sagði þá við Símon: Óttast þú ekki, héðan í frá skalt þú menn veiða. Og þeir lögðu bátunum að landi, yfirgáfu allt og fylgdu Honum. (Lúk. 5:4-11).

„Ég hef aldrei áður upplifað slíka veiði“