Lifandi kristindómur og ég

 

Aldamótaveturinn geisaði illkynjuð inflúensa um alla Skaftafellssýslu. Fólkið dyngdist niður unnvörpum, og margir dóu. Á heimili foreldra minna lögðust allir nema ég. Von bráðar létti samt sóttinni af heimilinu, og fólk komst aftur til verka sinna. Amma mín fékk þó einhverja illkynjaða plágu upp úr inflúensunni, og lá hún þungt haldin margar vikur. Um sumarmálin var prests loks vitjað, til þess að þjónusta hana. Þann dag sáust engin batamerki á gömlu konunni. Presturinn kom með kaleik og patínu og klæddist skósíðri hempu. Alt heimilisfólkið safnaðist saman í baðstofunni. Síðan var sunginn sálmur við rúm ömmu minnar, og presturinn flutti ræðu og gaf henni oblátur og messuvín. Og svo var aftur sunginn sálmur. Ég sat á kistu gegnt rúmi veslings ömmu og einblíndi forviða a prestinn og sakramentið. Við og við gaut ég forvitnisaugum til aumingja ömmu minnar, sem lá bleik og stynjandi í rúminu á móti mér. Í baðstofunni ríkti hátíðleg og innileg trúarhrifning. Og ég bað þess með tárin í augunum, að Guð tæki ekki ömmu mína til sín. Ég var sannfærður um, að henni hlyti að þykja miklu skemmtilegra heima hjá okkur en uppi á þessum himnum, sem enginn vissi, hvar væru. Ég beið umskiftanna með brennandi óþreyju. Skyldi henni nú batna? Eða skyldi Guð vera svo ónærgætinn að taka hana til sín? Undir eins og búið var að syngja síðari sálminn, reis amma mín upp við ölnboga í rúminu, talaði, brosti og lék á alsoddi. Eftir nokkra daga var hún komin á fætur og kenndi sér einskis meins. Svo áþreifanlegur var kraftur lifandi trúar á heimili foreldra minna. Gera þeir það betur vestur á Ási eða austur í Kína?

(Úr grein Þórbergs Þórðarsonar sem birtist í í Tímaritinu IÐUNN 1928, bls. 251: Lifandi kristindómur og ég. Þórbergur lýsir hérna atburðum sem gerðust aldamótaárið 1900, þegar hann var 12 ára.)

Biskup: Guðleysi er ekki hlutleysi

Þeir myrða jólabarnið Jesú - Katrín Jakobsdóttir vill ekki huggast láta

Þær samflokkskonur Svandís Svavarsdóttir og Katrín Jakobsdóttir voru einhuga um að veita leyfi, með lögum til drápa á börnum í móðurkviði allt fram að 22. viku meðgöngu vorið 2019.

Katrín grætur ekki börnin sem nú eru drepin daglega í móðurkvið, heldur syrgir dauða flokksins sem var einhuga með henni um að leyfa barnadrápin.

Heródes sendi menn og lét myrða öll sveinbörn í Betlehem og nágrenni hennar, tvævetur og yngri, en það svaraði þeim tíma er hann hafði komist að hjá vitringunum.

Nú rættist það sem Jeremía spámaður hafði sagt fyrir um:

Rödd heyrist í Rama,

harmakvein, beiskur grátur.

Rakel grætur börnin sín,

hún vill ekki huggast láta,

því að þau eru ekki framar lífs.

(Mt. 2:16-18).

Katrín: „Ég upplifði bara raunverulega sorg“

Á Þórdís líka í stríði við Ísraels Guð?

Starfandi utanríkisráðherra Þórdís Kolbrún Reykfjörð Gylfadóttir segir framferði Ísraela óréttlætanlegt og ekki í samræmi við alþjóðarlög, en íslensk stjórnvöld geti takmarkað beitt sér.

Amnesty: Ísraelsmenn hafa framið þjóðarmorð á Gaza, samkvæmt skýrslu Amnesty International. Þeir hafi vísvitandi drepið almenna palestínska borgara og gert aðstæður þeirra ólífvænlegar.

Vegna þessara ásakanna lagði David Mencer, talsmaður ísraelska ríkisstjórnarinnar, fram ítarlega skýrslu um hið langvarandi stríð og í því samhengi þau fjölmörgu mannúðarverkefni sem Ísrael stendur fyrir. Hann minntist á þann hörmulega missi Ísraels á 808 föllnum hermönnum, en gladdist yfir hetjulegri björgun hersins á mörgum gíslum, og ítrekaði skuldbindingu Ísraelshers um að koma öllum gíslum heim. Hann harmaði hve lífi margar hermanna og óbreyttra borgara hefur þurft að fórna til að tryggja framtíð Ísraels.

Mencer víkur að nýjustu skýrslu Amnesty International og afhjúpar brenglaðar ásakanir þeirra á hendur Ísrael og útlistar helstu ástæður fyrir því að skýrsluna skortir allan trúverðugleika. Hann sakar Amnesty um að fara ranglega með alþjóðalög. Hann segir Samtökin hunsa vísbendingar um þjóðarmorðsáætlanir Hamas á Ísraelsmönnum. Hann undirstrikar mannúðaraðstoð Ísraelsmanna upp á 1,16 milljónir tonna, sem send hafa verið til Gaza.

Mencer sagði ásakanir Amnesty hættulegar þar sem þær hvetja hryðjuverkasamtök til óhæfuverka og grafa undan alþjóðlegu réttlæti. Hann endar skýrsluna með því að segja frá því að Ísraelsmenn hafi sennilega tekist að koma til Gaza 54.000 tonnum af hjálpargögnum í nóvember, þar á meðtalið matvælum, sjúkragögnum og töldum til óbreyttra borgara. Þrátt fyrir falskar ásakanir leggur hann áherslu á áframhaldandi skuldbindingu Ísraels um að vernda saklaust líf um leið og þeir berjast gegn hryðjuverkum.

Donald Trump, nýkjörinn forseti, varar Hamas við því að ef þeir láta ekki gíslana lausa fyrir þann tíma sem hann verður settur inn í embætti, verður helvíti leyst úr læðingi í Miðausturlöndum, fyrir leiðtogana, sem frömdu þessa glæpi gegn mannkyninu.

Sigmundur Davíð Gunnlaugsson, formaður Miðflokksins, sendi í júní inn fyrirspurn á Þórdísi Kolbrúnu Reykfjörð Gylfadóttur utanríkisráðherra. Hann spurði hvort ríkisstjórnin hafi sent Ísrael samúðarskeyti vegna hryðjuverkaárásar Hamas á tónlistarhátíð í Ísrael þann 7. október í fyrra. Óskaði hann eftir því að fá upplýsingar um það hvort að skeyti hafi yfir höfuð verið sent, hvenær það hafi verið gert og hvernig það hafi hljóðað. Ekki er vitað til þess að svar hafi borist.

Spyr ráðherra um samúðarskeyti til Ísrael

Himnaríki læst fyrir grunnskólabörnum!

Jesús sagði: "Vei yður, fræðimenn og farísear, hræsnarar! Þér læsið himnaríki fyrir mönnum. Sjálfir gangið þér ekki þar inn, og þeim, sem inn vilja ganga, leyfið þér eigi inn að komast. (Mt. 23:13).

Kristinfræðikennsla bönnuð í grunnskólum, var fyrirsögn greinar á vef Útvarps Sögu í dag, 26. nóvember 2024, ritað af ritstjórn.

Ásmundur Einar Daðason, mennta- og barnamálaráðherra sem var gestur Arnþrúðar Karlsdóttur í Síðdegisútvarpinu ræddi í þættinum meðal annars um stöðu kristinfræði í skólum eins og hún var áður fyrr.

Arnþrúður hóf umræðuna á því að rifja upp að á árinu 2008, skömmu fyrir bankahrunið, hafi Þorgerður Katrín Gunnarsdóttir þáverandi menntamálaráðherra og varaformaður Sjálfstæðisflokksins staðið fyrir lagabreytingu sem bannaði Kristinfræðikennslu í grunnskólum landsins.

Hún spurði Ásmund Einar af hverju hann hefði látið það viðgangast að sérstök kennsla í kristinfræði hafi verið lögð til hliðar.

Ásmundur svaraði því til að samfélagið væri að breytast og skólastarf þyrfti að laga sig að fjölbreytni sem eðlilega fylgir fjölmenningar samfélagi. Hann sagðist þó vera meðvitaður um mikilvægi þess að halda í menningararfinn.

Ásmundur: Styð að við bætum kjör og aðbúnað kennara

Gerum lífið betra xL

Guð gefi mér

æðruleysi til þess að sætta mig við það sem ég fæ ekki breytt,

kjark til að breyta því sem ég get breytt

og vit til að greina þar á milli.

Yfir 14 þúsund manns kosið utan kjörfundar

Aðildarviðræður við ESB koma ekki til greina

Lýðræðisflokkurinn hefur allt aðra stefnu en aðild að ESB.

Arnar Þór Jónsson stofnandi og oddviti flokksins hefur sagt:

„Flokksmenn vilja vinna að því að leiðrétta þá slagsíðu sem í vaxandi mæli hefur einkennt stjórnmál á Íslandi hin síðari ár, þar sem persónulegir hagsmunir eru látnir ganga framar almannahag, þar sem klíkuvæðing og sérhagsmunagæsla verður stöðugt meira áberandi, þar sem til er orðin stétt atvinnustjórnmálamanna, þar sem hugsjónir hafa gleymst, þar sem ráðherrar sýna erlendum embættismönnum meiri vinsemd og hollustu en íslenskum kjósendum.“

ESB er í raun orðið hluti af hinu alþjóðlega Djúpríki.

Veljum frelsi, höfnum helsi undir ESB. Gefum nýjum mönnum tækifæri, mönnum sem ekki hafa svikið hugsjónir sínar, kjósum Lýðræðisflokkinn.

Aðildarviðræður við ESB kannski skilyrði

Sendiherra Íslands í USA - Sendiherra USA í Ísrael

Mikilvægustu sendiherrastöður tveggja þjóða.

Hversu mikilvæg er skipun Bjarna Benediktssonar á Svanhildi Hólm í sendiherratöðu fyrir Ísland í Banaríkjunum?

Hvaða þýðingu gæti það haft á framtíð Ísrael og Palestínu að Donald Trump hefur valið mann að nafni Mike Huckabee sem sendiherra Bandaríkjanna í Ísrael?

Þann 12. nóvember tilkynnti Donald Trump nýkjörinn Bandaríkjaforseti að hann myndi tilnefna Mike Huckabee fyrrverandi ríkisstjóra Arkansas til að gegna embætti sendiherra hans í Ísrael. Huckabee, er einnig baptista prestur.

Maðurinn er vel kunnugur landinu Ísrael og hefur ferðast um það allt ótal sinnum. Hann hefur hefur verið leiðsögumaður í pílagrímsferðum baptista til Ísraels og heimsótt landið að minnsta kosti hundrað sinnum síðustu áratugi.

Huckabee er andstæðingur hinnar svokölluðu tveggja ríkja lausnar á deilu Ísraela og Palestínumanna. Hann segir að það sé í raun ekkert til sem heitir Palestínumaður. Hann talar fyrir varanlegum yfirráðum Ísraelsmanna yfir hernumdum svæðum Vesturbakkans, en Palestínumenn gera tilkall til þessara landssvæða fyrir framtíðarríki sitt.

Þessi afstaða Huckabee er í algjörri mótsögn við þau sjónarmið sem meiri hluti bandarískra Gyðingar hafa. Skoðanakönnun á meðal þeirra fyrr á þessu ári leiddi í ljós að 46 prósent þeirra styðja tveggja ríkja lausn. Aðeins 22 prósent vilja að Ísraelsríki verði eina ríkið á svæðinu, eins og Huckabee gerir.

Skipun Huckabee í embætti sendiherrans sýnir, svo að ekki verður um villst, hvaða stefnu Trump ætlar halda uppi meðal Ísraelsmanna. Stefna hans er langt frá því að vera sprottin af einhverri leynireglu Gyðinga, eins og margir gyðingahatarar gætu haldið fram.

Hér er um að ræða stefnu sem ekki er eingöngu gyðingleg, heldur einnig ætluð að styðja við hugsjónir evangelísk kristinna manna í Bandaríkjunum, en þeir eru meðal áköfustu stuðningsmanna hins nýkjörna forseta.

Á fyrri forsetatíð sinni viðurkenndi Trump Jerúsalem sem höfuðborg landsins og studdi þá ötullega Benjamín Netanyahu forsætisráðherra. Hann hrósar sjálfum sér og hefur sagt: „Við fluttum höfuðborg Ísraels til Jerúsalem.“

Aftur á móti hefur hinn nýkjörni forseti, Donald Trump, oft kvartað undan því að bandarískir gyðingar, sem flestir kjósi demókrata, hafi sýnt honum vanþakklæti.

Fyrir Ísland og Ísrael eru tengslin við Bandaríkin mjög mikilvæg. Sömuleiðis eru tengslin Banaríkjanna við Ísland og Ísrael mikilvæg.

Voru sammála um hæfi Svanhildar Hólm

Ómögulegt var fyrir Trump að vinna – Ómögulegt er að Arnar Þór Jónsson vinni – Kraftaverk gerast þó þessa dagana

Þegar Bjarna Benediktssyni forsætisráðherra var bent á það í viðtali í þættinum Spursmál, að fylgi Sjálfstæðisflokksins liti út fyrir vera aðeins 12,3% samkvæmt nýrri skoðunarkönnun Prósents. Þá svarar Bjarni á þessa leið:

„Við erum bara með góða stefnu sem á erindi við fólk. Við höfum ekki bara trú á okkar stefnu heldur okkar góðu frambjóðendum. Næsta verkefni er að fara í gegnum þessar kosningar, hvað gerist eftir það ræðst af úrslitum kosninganna, það ræðst sannarlega ekki af könnunum þremur vikum fyrir kosningar.“

Ég tek undir með Bjarna að úrslit kosninganna sjálfra er það sem skiptir máli, ekki skoðanakannanir, eins og dæmin sanna frá Bandaríkjunum. Ef niðurstöður kosninganna verða í líkingu við skoðanakönnunina mun Þjóðin tapa þessum kosningum, en Þjóðin á ennþá möguleika á sigri yfir Djúpríkinu, ég trúi því, en til þess þarf kraftaverk, líkt og gerðist þegar Trump vann.

Lýðræðisflokkurinn leit út fyrir að hafa, samkvæmt þessari sömu könnun, aðeins 1,4% fylgi. Í kosningunum 30. nóvember þarf flokkurinn að fá yfir 50% atkvæða líkt og Trump fékk í nýafstöðnum forsetakosningum í Bandaríkjunum, þannig ynni Íslenska þjóðin sigur.

Spyrjum að leikslokum.

„Við getum unnið þessar kosningar, ég trúi því“

Donald Trump mun á EINUM DEGI stöðva stríð!

Kjör Donalds Trumps sem Bandaríkjaforseta 5. nóvember s. l. var yfirnáttúrulegt, óhugsandi, án þess að Guð almáttugur hafi stjórnað því.

Þegar við skoðum Heilaga ritningu getum við séð að hún segir okkur að Guð útvelji menn. Hér er ritning sem við getum túlkað sem val Guðs á Donald Trump:

„HVER hefir vakið upp manninn í austrinu, sem RÉTTLÆTIÐ kveður til fylgdar? HVER leggur þjóðir undir vald hans og lætur hann drottna yfir konungum? HVER gjörir sverð þeirra að moldarryki og boga þeirra sem fjúkandi hálmleggi, svo að hann veitir þeim eftirför og fer ÓSÆRÐUR þann veg, er hann aldrei hefir stigið á fæti sínum? HVER hefir gjört það og framkvæmt?

Hann sem kallaði fram kynþáttu mannanna í öndverðu.  ÉG, Drottinn.“ (Jes. 41:2-4).

Gæti verið að Donald Trump hafi fengið Orð frá Guði, þegar hann fullyrti aftur og aftur í kosningabaráttunni, að hann myndi útkljá stríðið milli Rússlands og Úkraínu á EINUM DEGI, ef hann yrði kjörinn forseti á nýjan leik?

Í ljósi þess sem við höfum séð Trump framkvæma á undanförnum árum, trúi ég því að hann geti þetta og geri með Guð hjálp.

Ákærður fyrir samsæri um að myrða Trump

Djúpríkið á Íslandi segist hvergi hafa komið nærri – Alþjóðlega Djúpríkið og WHO bera alla ábyrgð

Í frétt á RÚV í dag segir:

"Forsætisráðuneytið, utanríkisráðuneytið og heilbrigðisráðuneytið áttu ekki aðkomu að ráðningu Katrínar Jakobsdóttur, fyrrverandi forsætisráðherra í nýtt starf á vegum Alþjóðaheilbrigðismálastofnunarinnar.

Til stendur að ráða Katrínu í stöðu formanns samevrópskrar nefndar sem Alþjóðaheilbrigðisstofnunin hyggst setja á fót um loftslagsbreytingar og heilsu."

Listar VG í Reykjavík: Katrín skipar heiðurssæti