Biblían er í mínu hjarta og huga besta bók sem til er. Hún er Orð Guðs.

Hver er tilgangur Morgunblaðsins með því að gera það að frétt að skoski leikarinn Brian Cox, sem í myrkri gengur, segi að Biblían sé í hans huga ein versta bók sem til er?

Góðu fréttirnar eru hins vegar þær, að Biblían er Orð Guðs, Orð lífsins, Ljós heimsins.

Jóhannesarguðspjall hefst á þessum Orðum: “Í upphafi var Orðið, og Orðið var hjá Guði, og Orðið var Guð. Hann var í upphafi hjá Guði. Allir hlutir urðu fyrir Hann, án Hans varð ekki neitt, sem til er. Í Honum var líf, og lífið var ljós mannanna. Ljósið skín í myrkrinu, og myrkrið tók ekki á móti því. … En öllum þeim, sem tóku við Honum, gaf hann rétt til að verða Guðs börn, þeim, er trúa á nafn Hans (Jesú). Þeir eru ekki af blóði bornir, ekki að holds vild né manns vilja, heldur af Guði getnir. Og Orðið varð hold, Hann bjó með oss, fullur náðar og sannleika, og vér sáum dýrð Hans, dýrð, sem sonurinn eingetni á frá föðurnum.”

Í Jóhannesarguðspjalli 8. kafla segir Jesús: ”Ef þér eruð stöðugir í Orði mínu, eruð þér sannir lærisveinar mínir og munuð þekkja sannleikann, og sannleikurinn mun gjöra yður frjálsa.”

„Biblían er í mínum huga ein versta bók sem til er“

Athugasemdir

[Hörður Þormar (IP-tala skráð) 3.5.2024 kl. 23:36]

Hvernig væri að vitna annað slagið í John Lennox eða Max Plank?                          Oxford ATHEIST Professor says Faith in God is INSANITY-John Lennox Brilliant RESPONSE #god #debate           

[Magnús Sigurðsson, 4.5.2024 kl. 07:21]

Mér datt það sama i hug, -ekki þori ég samt neitt að fullyrða um hvað Morgunnblaðinu gengur til, það má finna hverju sem er stað í Biblíunni.

En ég hef grun um að aðdáunin á ummælum Skotans hafi snúist um það litla sem kemur fram í fréttinni „Trú­ar­brögð eru hamlandi. Þau efla og styðja feðraveldið ásamt því að koma í veg fyr­ir framþróun,“.

Svona orðræða hefur verið í tísku upp á síðkastið, þegar þarf að gera lítið úr gömlum gildum og siðferðilegum rökum.

[Guðmundur Örn Ragnarsson, 4.5.2024 kl. 09:24]

Hörður Þormar og Magnús Sigurðsson!

Jón Magnússon bendir á í pistil sinum 2. maí, að í Háskólastúdentum sé nú kennt að fyrirlíta forfeður sína og þau afrek sem unnin hafa verið í vestrænum lýðræðisríkjum, sem hafa skapað bestu lífsafkomu almennings fyrr og síðar, mesta frelsið og mestu mannréttindin.

Gyðing-Kristindómurinn er sá grunnur sem forfeður okkar byggðu sín afrek á. Þennan grundvöll keppist ungt fólk á Vesturlöndum nú við að brjóta niður og þar með sitt eigið líf eins og blaðamaður Morgunblaðsins gerir.

Arnar Þór Jónsson forsetaframbjóðandi virðist sá eini, af þeim 12, sem skilur þetta til fulls og berst gegn niðurrifinu. Þess vegna kýs ég hann.