Eurovision Ísraels? eða Eurovision Palestínu?

Vegna þátttöku Ísraelsmanna í Eurovision í ár mun Arnar Eggert Thoroddsen tónlistarfræðingur, blaðamaður og gagnrýnandi, sniðganga Eurovision. Ástæðan er framganga Ísraelsmanna á Gasasvæðinu. Arnar skrifaði lengi vel um söngvakeppnina í Morgunblaðið.

Einnig hefur Gísli Marteinn nú tilkynnt að hann taki ekki að sér lýsingu á Eurovision á þessu ári af sömu ástæðu.

Þessir tveir er jú hluti af GÓÐA FÓLKINU á Íslandi og þola ekki vont fólk.

Sjá, á þeim dögum og í þann tíð (árið 2024), er ég sný við högum Júda og Jerúsalem, vil ég saman safna öllum þjóðum og færa þær ofan í Jósafatsdal og ganga þar í dóm við þær vegna lýðs míns og arfleifðar minnar Ísraels, af því að þeir hafa dreift henni meðal heiðingjanna og skipt sundur landi mínu (Ísrael).

Þeir köstuðu hlutum um lýð minn og gáfu svein fyrir skækju og seldu mey fyrir vín og drukku. (Okt. 7. 2023).

Og hvað viljið þér mér, Týrus og Sídon og öll héruð Filisteu (Palestínu)! Ætlið þér að gjalda mér (Ísraels Guði) það sem yður hefir gjört verið, eða ætlið þér að gjöra mér eitthvað?

Afar skyndilega mun ég láta gjörðir yðar koma sjálfum yður í koll. (Jóel 3:6-9).

Fær kvíðahnúta í magann yfir Eurovision

Vegna þess að þú þekktir ekki þinn vitjunartíma.

Í Lúkasarguðspjalli 19. kafla stendur:

Og er Hann (Jesús) kom nær og sá borgina, grét hann yfir henni og sagði: Ef þú hefðir aðeins vitað á þessum degi, hvað til FRIÐAR heyrir!

En nú er það hulið sjónum þínum. Því að þeir dagar munu koma yfir þig, að óvinir þínir munu gjöra virki um þig, setjast um þig og þröngva þér á alla vegu.

Þeir munu leggja þig að velli og börn þín, sem í þér eru, og ekki láta standa stein yfir steini í þér.

Vegna þess að þú þekktir ekki þinn vitjunartíma. (Lúk. 19:41-44).

„Minn vitjunartími var kominn“

Gísli B. Arnkelsson kristniboði er kominn heim í Hús föður síns á Himnum.

Gísli B. Arnkelsson fyrrverandi kristniboði og kennari lést 1. apríl, 91 árs að aldri. Blessuð sé minning hans.

Allt líf mitt hef ég átt þess kost að fylgst með Gísla og borið mikla virðingu fyrir honum sem helgum manni, vegna þess hve gefinn Guði hann var. Köllun hans var að boða fagnaðarerindið á vegum Kristniboðssambands Íslands til þjóða sem ekki hafa heyrt fagnaðarerindið um Frelsarann Jesú Krist.

Hann starfaði ásamt fjölskyldu sinni sem kristniboði í Konsó í Eþíópíu á árunum 1961 – 1972, þar sem starf hans færði líf fjölda fólks úr myrkri og inn í Ljósið sem skín frá Frelsaranum Jesú Kristi.

Árið 2015 átti ég þess kost að eiga viðtal við hjón frá Konsó í Eþíópíu, á Sjónvarpsstöðinni OMEGA, en þau eignuðust nýtt líf vegna Íslenska Kristniboðsins. Þau búa nú á Íslandi.

Ekki kynntist ég Gísla mikið persónulega, en einhvern veginn var ég alltaf að rekast á hann á lífsleiðinni. Frá árinu 1953-1958 var ég barn að aldri nemandi í Melaskóla. Hann var þá þar kennari árin 1955-1959. Ég minnist hans þaðan. Á níunda áratugnum leysti ég sóknarprestinn af á Seltjarnarnesi í tvígang, þá var Gísli kennari við Mýrarhúsaskólann. Við hittumst þá m.a. á Litlu jólum skólabarnanna þegar þau heimsóttu kirkjuna.

Fjölskyldu Gísla B. Arnkelssonar votta ég samúð mína. Útför hans fer fram frá Neskirkju mánudaginn 15. apríl kl. 13.

Andlát: Gísli B. Arnkelsson

Þegar ÞAÐ verður munu Guð skipta um skoðun og styðja Katrínu.

Nú hefur Katrín Jakobsdóttir skipt yfir, frá því að vera höfuð Ríkisstjórnar Íslenska lýðveldisins, og gerst frambjóðandi til embættis Forseta lýðveldisins.

Ég fagna því að hún hættir, því þjónusta hennar var í raun við ríki myrkursins, en ekki við Íslenska ríkið og þjóðina.

Þegar við biðjum Faðir vorið, þá biðjum við að Ríki Guðs komi til okkar og vilji Hans verði á Jörðu eins og hann er á Himnum. Ég hef beðið Guð lengi um að opna augu Katrínar Jakobsdóttur svo að hún sjái Ljósið og taki við hjálpræðinu í frelsaranum Jesú Kristi, og að hún taki afturhvarfi og yfirgefi ríki myrkurs og dauða, og gangi Ríki Ljóss og Friðar á hönd.

Þegar ÞAÐ verður munu Guð skipta um skoðun og styðja Katrínu.

Meðmælendur geta skipt um skoðun

Hera Björk Þórhallsdóttir hlýtur blessun Ísraels Guðs

Hera Björk Þórhallsdóttir hafði þá djörfung að lýsa yfir skoðun sinni á framlagi Ísraels þegar hún var innt eftir henni af Ísraelska Eurovision-miðilinum Euromix í gær, enda þótt henni mætti vera ljóst að RÉTT-TRÚNAÐARLIÐIÐ, GÓÐA-FÓLKIÐ, hérna heima tæki hreinskilni hennar óstinnt upp, sem og komið hefur á daginn.

Hún sagði nákvæmlega það sem henni finnst um lag Ísraelsmanna í viðtalinu, að hún væri hrifin af framlagi þeirra, laginu Hurricane sem er í flutningi Eden Golan´s.

Hera notaði tækifærið til að þakka Ísraelskum Eurovision stuðningsmönnum sínum um leið og hún óskaði þeim velfarnaðar. Með þessu hefur Hera blessað Ísrael, (þó ekki endilega allt sem þeir gera), en Guð Ísraels hefur lofað að blessa þá sem blessa Ísrael.

Sú blessun kemur til baka til Heru í keppninni sem er framundan. Takið eftir.

Hera Björk elskar framlag Ísraelsmanna

Arnar þór Jónsson - já hann!

Í pistil á blog.is, gerði hann orð séra Sigurbjörns Einarssonar biskups, að sínum, er hann spurði:

“Hvað skortir íslensku þjóðina mest? Þú veist það svo vel. Það er meira af heilskyggni, fleiri slíkir menn. Viltu ekki að þínum hluta bæta úr þeim skorti?”

Við, ég og þú, getum bætt úr þeim skoti með því að velja í stöðu Forseta Íslands slíkan mann. Mann sem felur Jesú Kristi líf þjóðar sinnar. Arnar Þór Jónsson er slíkur, virðist sérhannaður af Guði skapara sínum, til að gegna embætti Forseta.

Hann treystir handleiðslu Guðs í því sem hann gerir. Enda hefur Guð gefið honum innsæi og djúpa þekkingu á þörfum Íslensku þjóðarinnar, þeirrar sem hann ann.

Þess vegna móttekur Arnar Þór orðin þessi frá Guði sínum:

“Því að ég þekki þær fyrirætlanir, sem ég hefi í hyggju með yður (Íslendingar) segir Drottinn, fyrirætlanir til heilla, en ekki til óhamingju, að veita yður vonarríka framtíð.

Þá munuð þér ákalla mig og fara og biðja til mín, og ég mun bænheyra yður. Og þér munuð leita mín og finna mig. Þegar þér leitið mín af öllu hjarta.” (Jer. 29:11-13).

Gleðilega páska, því Jesús er upp risinn!

Mun greina frá ákvörðun sinni á þriðjudaginn

Dánaraðstoð fer nú fram við Íslensku þjóðina

Dánaraðstoð fer nú fram við Íslensku þjóðina, af henni óforspurðri.

Þrátt fyrir þjáningar sem hún nú gengur í gegn um, vill hún ekki deyja og þarf ekki að deyja, eins og svo margir ætla henni nú.

Þeim sem hún treysti og fól leiðsögn, keppast nú við, hver sem betur getur, að útrýma þjóðinni, jafnvel margir þeir sem nú eru að bjóða sig fram til forseta lýðveldisins eru óvinir þess.

Guðmundur Böðvarsson orti:

Eitt verð ég að segja þér áður en ég dey

enda skaltu börnum þínum kenna fræði mín,

sögðu mér það álfarnir í Suðurey,

sögðu mér það dvergarnir í Norðurey,

sögðu mér það gullinmura og gleym-mér-ei

og gleymdu því ei

að hefnist þeim er svíkur sína huldumey,

honum verður erfiður dauðinn.

Segja baráttu Baldurs mun faglegri en Höllu

Áfangasigur Donalds Trump í dag.

Hæstiréttur Michigan færði Donald Trump áfangasigur í dag með því að ákveða að halda honum á kjörseðli í forsetakosningunum 2024.

Úrskurðurinn í Michigan stangast á við niðurstöðu Hæstaréttar Colorado í síðustu viku, sem gerði forsetann fyrrverandi vanhæfan til að gegna embætti forseta og fjarlægði hann úr prófkjörinu í Colorado. Það héldu 4 af 7 dómurum því fram að hann tengdist árásinni á Þinghús Bandaríkjanna 6. janúar 2021.

Hins vegar hafa sumir sérfræðingar gefið til kynna að Hæstiréttur Bandaríkjanna muni hnekkja þeim úrskurði, þar sem Trump hefur ekki verið ákærður fyrir hvorki þá uppreisn né nokkra uppreisn í annarri lögsögu.

Trump má ekki bjóða sig fram í Colorado

Aðalbjörg Ósk Sigmundsdóttir veit hvað til FRIÐAR heyrir í heimi þar sem duana jarðarstíð.

FRIÐARFERLI er ekki flókið, heldur sáraeinfalt. En það er hulið sjónum flestra manna, en ekki Aðalbjargar. Ef heimurinn léti leiðast af sama Anda og hún gerir væru hvergi stríð.

Í stað þess að heimta og taka, gaf hún gjöf. Jólagjöf Aðalbjargar Óskar Sigmundsdóttur til Vopnfirðinga var að búa til skautasvell rétt fyrir jól, með góðra manna hjálp.

Á Þorláksmessu voru við með smá viðburð og buðum upp á kaffi, jólaglögg, smákökur og vorum búin að fá skauta frá skautahöllinni á Akureyri þannig að við gátum leyft öllum að prófa, segir Aðalbjörg.

Hegðið yður eigi eftir öld þessari, heldur takið háttaskipti með endurnýjung hugarfarsins, svo að þér fáið að reyna, hver sé vilji Guðs, hið góða, fagra og fullkomna. (Róm. 12:2).

Verið ávallt glaðir í Drottni. Ég segi aftur: Verið glaðir. Ljúflyndi yðar verði kunnugt öllum mönnum. Drottinn er í nánd.

Verið ekki hugsjúkir um neitt, heldur gjörið í öllum hlutum óskir yðar kunnar Guði með bæn og beiðni og þakkargjörð. Og FRIÐUR Guðs, sem er æðri öllum skilningi, mun varðveita hjörtu yðar og hugsanir yðar í Kristi Jesú.

Að endingu, bræður, allt sem er satt, allt sem er göfugt, rétt og hreint, allt sem er elskuvert og gott afspurnar, hvað sem er dyggð og hvað sem er lofsvert, hugfestið það. Þetta, sem þér hafið bæði lært og numið, heyrt og séð til mín, það skuluð þér gjöra. Og Guð FRIÐARINS mun vera með yður. (Fil. 4:4-9).

Bjuggu til skautasvell með brunaslöngum

Frið læt ég yður eftir, minn frið gef ég yður. Ekki gef ég yður eins og heimurinn gefur. Hjarta yðar skelfist ekki né hræðist. - Gleðileg jól!

Frá því við hófum byggð á okkar fagra Íslandi, fyrir meira en 1100 árum, höfum við Íslendingar verið blessunarlega lausir við stríð. Hverju getum við þakkað það?

Ég þakka það Guðshræðslu og bænum forfeðra minna, ekki mér og minni kynslóð. Hún hefur með fráhvarfi sínu frá Guði komið öllu í óefni í landinu. Ennþá er samt tækifæri til afturhvarfs því langlundargeð Frelsar okkar er mikið.

Guð er kærleikur, Hann elskar okkur þrátt fyrir allar okkar syndir og vill fyrirgefa, en við verðum að taka við fyrirgefningunni, sem gjöf, jólagjöf, Jesú Kristi.

En þolinmæði Hans á sér takmörk. Dómsdagur kemur brátt yfir líf sérhvers manns.

Þennan aðfangadag jóla 24. desember 2023 geysa víða stríð í heiminum. Ekki aðeins í Landinu helga og í Úkraínu. Nei á að minnsta kosti 50 stöðum í heiminum berast menn á banaspjót dag hvern.

Þannig spyr Jakob: Af hverju koma stríð og af hverju sennur meðal yðar? Af hverju öðru en girndum yðar, sem heyja stríð í limum yðar? Þér girnist og fáið ekki, þér drepið og öfundið og getið þó ekki öðlast. Þér berjist og stríðið. Þér eigið ekki, af því að þér biðjið ekki. (Jak. 4:1-2).

Unnur Benediktsdóttir Bjarklind, (Hulda) bað með þessum hætti:

Hver á sér fegra föðurland,

með fjöll og dal og bláan sand,

með norðurljósa bjarmaband

og björk og lind í hlíð?

Með friðsæl býli, ljós og ljóð,

svo langt frá heimsins vígaslóð.

Geym, Drottinn, okkar dýra land

er duna jarðarstríð.

 

Og Hallgrímur Pétursson minnti okkur á gildi bænarinnar með þessum orðum:

Bænin má aldrei bresta þig,

búin er freisting ýmisleg.

Þá líf og sál er lúð og þjáð

lykill er hún að drottins náð.

 

 

Jesús sagði:

Þetta hef ég talað við yður, svo að þér eigið frið í mér. Í heiminum hafið þér þrenging. En verið hughraustir. Ég hef sigrað heiminn. (Jóh. 16:33).

Gleðileg jól!

Hundruð gengu í friðargöngum